Un de Comoxo

http://comoxo.blogspot.com/
 

Outro ataque a Nusko

Maite e Carlota seguen na súa teima de asoballar a Nusko. E o pobriño déixase! Mami estivo mediando entre elas e o can pero non houbo xeito: pobriño as que tal lle fan! O avó ten medo a que as morda, pois pásanse. Tamén estiveron na casa de Rocha, as madriñas de Maite, é esa coas flores vermellas nas que sae mami con elas. 

Posted May 21, 2012
 

En plan agrorural

O que tal levo eu desfrutado co tractor que agora descubren miñas irmás! Este domingo non facía moi bo pero na horta dos avós é abrigado e ao sol estase ben, así que fomos alí a pasar o día. E xa vedes o ben que o pasaron Carla e Maite. E eu tamén! Xa probei os nísperos desta tempada! Seguen encantándome.

Posted May 21, 2012
 

Xa teño feita a primeira comunión

Ala, xa pasou o día. Saíu todo ben. Foi unha cousa sinxela, íamos todos disfrazados como cada un puido e houbo regalos, comida -churrasco, mmhhh- e xogos despois cos meus amigos. Non foi para tanto! Agora vos vou poñer o que quedou do polbo de globos que me regalaron no restaurante. Comérono as irmás!

Posted May 16, 2012
 

Un domingo na praia de Testal

Ao día seguinte da primeira comunión fun a unha praia que tiña ganas de coñecer: a de Testal en Noia. Papi dixera que había charquiños e dunas, e si! Ata collín unha plancha de porespan para navegar nunha das charcas, e fun ata o castro de Taramancos que está enriba da praia. Construín presas para miñas irmás no regato que pasaba por alí e pasámolo bomba. Facía 26 graos e na Mariña estabamos a 14, cunha néboa impresionante. Foi un domingo espectacular. As nenas chamuscáronse un pouco e levaron as pernas todas aqueladas de andar facendo as brutas polas cunchas (nunca vin tantas cunchas de berberechos como aquí). 

Posted May 16, 2012
 

Canto credes que durou este polbiño de globos?

Cando cheguei da primeira comunión saqueillo porque xa lle morderan un ollo (cun globo blanco) e llo explotaran. Pero ao día seguinte, como vía que se comezaba a desinflar decidín darllo para que acabaran con el. Non lles durou nin dez minutos! Carlotiña e Maitiña son terroríficas! 

Posted May 16, 2012
 

Un costume que tiña mami e que colleu Carlota

Mami contoume que de pequena poñíase a collerlle -e cheirarlle- os pés a meus avós cando estaban tumbados. E mirade quen fai o mesmo! A que máis se asemella a mami de pequena! 

Posted May 16, 2012
 

Unha voltiña por Ikea e por Decathlon para equiparme

Antes da proba final tiña que pillar unhas mallas para correr, e de paso un polar e unha bufanda, que os perdín non sei onde. Xa que fomos a Oviedo aproveitamos para dar a volta habitual por Ikea, pois é un sitio moi axeitado para cambiar ás nenas e que xoguen por alí. Como cando eu era pequeno, pásano bárbaro no carrito, aínda que desta volta berraron un montón, eramos o escándalo do lugar. Logo mami fíxonos unha moi gorda: foi mercar a Primark dicindo que viña de contado e tardou case unha hora, non sin pasar antes por H&M, por suposto. Vaia cara! 

Posted May 6, 2012
 

E de propina, subcampión de Lugo de lanzamento de pelota

Con esta medalla de prata si que non contaba. Na primeira proba en marzo fixera todos nulos, en abril non pasara de 21 metros e hoxe ninguén contaba con que pasase do cuarto posto. Pero mellorei e alcancei a pasar dos 22 metros, moi lonxe do primeiro (27) pero segundo. E ala, así mami levou dúas medallas polo Día da Nai. Credes que vou ir algún día ás Olimpiadas? A nai de María xa di que si, pero iso está moi lonxe.

Posted May 6, 2012
 

Quedei campión de Lugo deste ano en 500 metros lisos benxamín

Díxenlle a mami que lle ía regalar unha medalla, xa que era o día da Nai. E de ouro. E aquí a tedes. A carreira de hoxe foi complicada, saín fatal, pisáronme, tapáronme, ata me tocaron nos pés, pero gañei igual. Estou contentísimo! E claro, meus avós e meus pais están que non caben en si tamén... e Mari Paz, e Juan, que se sacou unha foto con mami e todo (estudaron xuntos no instituto).

Posted May 6, 2012
 

Unhas risas coa xauliña de adorno

O outro día estivo por aquí Javi, que me trouxo un coche a pilas e logo as pilas recargables, ou papi non gaña para elas. As nenas andaban polo medio e, coma sempre, póñense a tirar esta gaiola cun paxaro enriba por toda a sala de espera. Mami empezou a poñerlle a tapa como casco e encantoulles: pelexaban por poñelo! As fotos fíxollas Javi co seu Iphone, un aparello que tamén devecen por coller.

Posted April 25, 2012